Charafantah's Cave

و أنا صغير كنت محتار جدا إزاي فى مسلسل البخيل و أنا فريد شوقي طالع في نفس الكادر مرتين (توأم في شخصيات المسلسل)
تفسيرى الأول كان ان فريد شوقي ليه أخ توأم بيمثل معاه.
ثم إكتشفت سذاجتي و أقنعت نفسي إن الأوقع إنهم جايبين مرايه و حاطينها قدامه… بس برضه نظرية المرآه تحطمت لما لاحظت أن فريد لابس هدوم مختلفة في الشخصيتين.

لحد ما عقلي الصغير إتعرف على فكرة المونتاج و ربط بينه و بين الظهور المزدوج لفريد شوقي في المسلسل… تخيلي للمونتاج كان إنهم بيصوروا المشهد مرتين و بعدين ييجي راجل يقص صورة فريد من الفيلم و يلزقها بالسوليتيب علي المشهد الأول زي القص و اللصق بتاع حصة الرسم كده.

البوست ده كله اباحة, الكلام عن أصل كلمة بضان.

كمل قراءة على مسئوليتك

continue reading…

في مكان في القاهرة على النيل اسمه “قنطرة اللي كفر” أصل التسمية جه من أيام الحملة الفرنسية, حفروا 3 قناطر على النيل, الراجل اللي كان مهندس القنطرة دي كان اسمه “Cavarelli” وتم تسمية القنطرة على اسمه.

لما جم يحطوا يافطة بالعربي, كتبوا اسمه كده: كفرللي 

جه واحد ذكي بعد كده, قال مفيش حاجة اسمها كفرللي, الراجل اللي بنى القنطرة دي كان خواجة, وأكيد كان كافر, يبقى المفروض تتسمى الذي كفر.

ومن ساعتها القنطرة اسمها قنطرة اللي كفر

قعدت قريت كتاب “قاموس العادات والتقاليد والتعابير المصرية” اللي كاتبه أحمد أمين (1886 – 1954) ولقيت فيه حاجات لا تقدر بمال.

مثلا, أنا كنت كاتب عن أصل مقولة “مصر أم الدنيا” من سنتين تلاتة وناس كتير شتمتني… أنا للأسف ماكانش عندي مصدر ساعتها, كانت مجرد معلومة عارفها.

من الكتاب, صفحة 17: 

وعامة المصريين يعتقدون ان القاهرة أحسن البلد ذوقا, فكما أنها “أم الدنيا” فكذلك هي أم الذوق.

ومن أقوالهم المأثورة “الذوق لم يخرج من مصر” ومصر في قولهم هذا يعنون به القاهرة لا القطر المصري بأجمعه.

ويروون في هذا قصه طريفة, ان رجلا اسمه حسن الذوق, كان في منتهى الظرف والكياسة واللباقة, رقيق الحس والشعور, فغاضبه قوم من المصريين فعزم على الخروج من مصر, فلما وصل إلى باب الفتح وهو أحد أبواب القاهرة, مات هناك. ومازال قبره في هذا المكان ويعرف ضريحه بسيدي الذوق. ومن اجل هذا قالوا الذوق لم يخرج عن مصر.

عشان الناس تصدق إن المقولة دي ملهاش علاقة بالحضارة وكده, ده مجرد سوء تفاهم

في رحلة البحث عن الحقيقة المرة ومحاولة اكتشاف أصول الكلمات.

شنكار, هو هذا الشيء الذي يضعه لاعبي الكرة حول عظمة القصبه أو الظنبوب على رأي جوجل ترانسليت لحمايتها.

شنكار اصلها انجليزي = Shin Guard

أو حارس القصبة

الجركن  (بتعطيش الجيم) هو عبارة عن عبوه مصنوعة من البلاستيك بنحط فيها مية (مياه يعني) وأحيانا بنجيب فيها عصير من عند فرغلي.

الجركن برده بنجيب فيه زيت للعربية أو نحط فيه بنزين.

اكتشاف مهم: الجركن أصلا اسمه Jerry Can

وجيري ده مش اسم اللي اخترعه, بيقولك جيري ده اسم الدلع اللي كانوا مطلعينه على الألمان في الحرب العالمية. عشان هما اللي أصلا اخترعوا الجركن ده عشان يشيلوا فيه بنزين للعربيات.

من على ويكيبيديا http://en.wikipedia.org/wiki/Jerrycan

أصل تسميه سيد قشطة

صاحب مسرح كان ضخم الجسم والوجه ويشتهر بأغنياته و إشاراته المعبرة عن السماجة التي يضحك لها البلهاء. و قد إشتهر الرجل بين أهل القاهرة حتى أطلقوا إسمه على فرس النهر في حديقة الحيوان لأنه كان يشبهه شبها يكاد يكون متطابق.

مسروق من مكاوي سعيد، مقتنيات وسط البلد

ياللي القديم بهدلك، و جه الجديد ذلك

تشكي لمين بلوتك، ده الصبر أحسنلك