حاليا قاعد أقرا اللاهوت العربي و أصول العنف الديني  ليوسف زيدان…… الراجل ده إزاي جامد كدة!
أنا قاعد أقرا الكتاب و عامل زي بنت عندها ١٦ سنة بتتفرج على أورلاندو بلوم.

أولا الكتاب لغويا صعب، ده عشان بيتكلم في مواضيع معقدة جدا و دكتور زيدان بيكتب بأسلوب علمي بحت.

ثانيا لما تقرا الكتاب، كل مفاهيمك عن الكلام المجعلص حتتغير…كلام زي أديان سماوية و عصر الجاهلية و كلام تاني كتير أوي حتكتشف إنو ليه أكتر من معنى و إن إحنا ماشين بمبدأ هذا ما وجدنا عليه أبائنا.

ثالثا، أنا صحيح لسة ماخلصتش الكتاب، بس الكتاب قلب دماغي و بيخليني أبص لكل حاجة دلوقتي بطريقة مختلفة و أعيد النظر لكل الحاجات والمسميات اللي بناخذ إنها مسلم(بالشدة) بيها!

أخيرا، نصيحة إنك تقرا الكتاب ده وإنت رايق و صاحي و مركز…يستحسن كمان يبقى معاك ورقة و قلم و تايم لاين عشان تعرف تتابع الأحداث والشخصيات التاريخية….عشان في أحداث و ناس كتير أوي لهم كذا اسم و كذا طريقة في الكتابة… و بالمرة راجع على العربي بتاعك، و هاتلك معجم وسيط ولا محيط icon smile يوسف زيدان و اللاهوت العربي   Arabic Theology

BIG thanks to my dear friend who brought this book to my attention and for me to read icon smile يوسف زيدان و اللاهوت العربي   Arabic Theology