Charafantah's Cave

إعترافات طفولية

charafantah — Wed, 13 Mar 2013 09:13:08 +0000

و أنا صغير كنت محتار جدا إزاي فى مسلسل البخيل و أنا فريد شوقي طالع في نفس الكادر مرتين (توأم في شخصيات المسلسل)
تفسيرى الأول كان ان فريد شوقي ليه أخ توأم بيمثل معاه.
ثم إكتشفت سذاجتي و أقنعت نفسي إن الأوقع إنهم جايبين مرايه و حاطينها قدامه… بس برضه نظرية المرآه تحطمت لما لاحظت أن فريد لابس هدوم مختلفة في الشخصيتين.

لحد ما عقلي الصغير إتعرف على فكرة المونتاج و ربط بينه و بين الظهور المزدوج لفريد شوقي في المسلسل… تخيلي للمونتاج كان إنهم بيصوروا المشهد مرتين و بعدين ييجي راجل يقص صورة فريد من الفيلم و يلزقها بالسوليتيب علي المشهد الأول زي القص و اللصق بتاع حصة الرسم كده.

الطاقة المحشية

charafantah — Sat, 16 Feb 2013 21:19:45 +0000

في نفس الوقت اللي سويسرا قررت فيه إنها تلغي كل المحطات النووية لتوليد الطاقة لأسباب المحافظة على البيئة. أنا قررت أعمل محشي كرنب. الطاقة اللي بتخرج بسبب المحشي ده ممكن تعمل ثورة في مجال الطاقة.

الشغل

charafantah — Fri, 28 Sep 2012 21:14:56 +0000

في واحد, بيصحى الصبح, يغير هدومه وينزل يركب المواصلات عشان يروح المطار, بيشتغل هناك.

على كرسيه جنب ماكينة التذاكر, أول لما عربية تقرب, يدوس على الزرار, يستنى ثانيتين التذكرة تطلع, فيناولها للسواق, وهلم جر.

كل يوم…..

كل يوم….

ﺍﻝريس بيره و شبه الدولة ﺍﻟﻤﺼﺮﻳﺔ

charafantah — Mon, 06 Aug 2012 08:18:19 +0000

تغبير شبه الدولة مسروق من ﺍﻟﺨﺮﻡ

عن أهمية التَشكيل

charafantah — Sun, 20 May 2012 13:35:23 +0000

هو أن تعرف الفرق بين ماهو مُغري وما هو مِغَرّي

حاسب من الديك ليديك

charafantah — Mon, 23 Apr 2012 18:50:04 +0000

احيانا بأنسى إن عندي بلوج اصلا

البناء الدرامي – العيال كبرت

charafantah — Mon, 05 Mar 2012 11:51:15 +0000

كنت بتفرج على مسرحية العيال كبرت للمرة العشرين بعد المائة ألف، و أخذت بالي من حاجة بوظت المسرحية خالص بالنسبه لي.

إذا كان رمضان السكري حيهرب مع السكرتيرة اللي هي بوزها في بوزه طول اليوم في الشغل، ليه تبعتله جواب؟

ضرائب محافظة جنيف لعام 2011

charafantah — Sat, 14 Jan 2012 23:52:18 +0000

جالي جواب من مصلحة الضرائب في كانتون جنيف في سويسرا (سويسرا متقسمة 26 كانتون , الكانتون زي المحافظة في مصر), الجواب كان بيشرح الضرائب المدفوعة دي هتروح فين ونبذة سريعة على الضرائب.

قالك 3/4 دخل محافظة جنيف جاي من الضرايب. المبلغ في 2011 كان 6042000000 فرنك سويسري, أو مايعادل 38 مليار جنيه مصري.

2159 مليون فرنك منهم رايحين للتعليم, و 1089 مليون تانيين رايحين للصحة. (خلي بالك إننا بنتكلم على كانتون واحد من ال26!!!)

تعليم	2159
صحة	1089
خدمات اجتماعية	477
أمن	411
معاشات	333
خدمات المعاقين	297
مواصلات وطرق	255
قضاء	113
خلق فرص عمل	90
ثقافة ورياضة وهوايات	78
مصاريف ادارية	71
متنوعات	669
مجموع بالمليون فرنك سويسري	6042

شعور الغضب ﺍﻟﺠﻤﻴﻞ

charafantah — Thu, 12 Jan 2012 15:27:36 +0000

احساس جميل انك قاعد بتحاول تشتغل و تقدر تسب الدين بدون أدني حرج عشان مفيش حد بيفهم عربي ﺣﻮﺍﻟﻴﻚ

حقوق “اخواتهم” الأقباط

charafantah — Mon, 09 Jan 2012 21:34:08 +0000

أنا ملاحظ الكلام كله اليومين دول من عينة:

اخواتنا الاقباط
المسلمين والمسيحيين شركاء في الوطن
مسلم ومسيحي إيد واحدة
المسلمين والمسيحيين سواء أمام القانون

طب بالنسبة لليهود, البهائيين, البوذيين, الشيعة, القرآنيين, الملحدين, الطبيعيين واللا دينيين, دول كخة؟ مش اخواتنا؟ولا شركاء فالوطن؟