Charafantah's Cave

حاسب من الديك ليديك

charafantah — Mon, 23 Apr 2012 18:50:04 +0000

احيانا بأنسى إن عندي بلوج اصلا

البناء الدرامي – العيال كبرت

charafantah — Mon, 05 Mar 2012 11:51:15 +0000

كنت بتفرج على مسرحية العيال كبرت للمرة العشرين بعد المائة ألف، و أخذت بالي من حاجة بوظت المسرحية خالص بالنسبه لي.

إذا كان رمضان السكري حيهرب مع السكرتيرة اللي هي بوزها في بوزه طول اليوم في الشغل، ليه تبعتله جواب؟

ضرائب محافظة جنيف لعام 2011

charafantah — Sat, 14 Jan 2012 23:52:18 +0000

جالي جواب من مصلحة الضرائب في كانتون جنيف في سويسرا (سويسرا متقسمة 26 كانتون , الكانتون زي المحافظة في مصر), الجواب كان بيشرح الضرائب المدفوعة دي هتروح فين ونبذة سريعة على الضرائب.

قالك 3/4 دخل محافظة جنيف جاي من الضرايب. المبلغ في 2011 كان 6042000000 فرنك سويسري, أو مايعادل 38 مليار جنيه مصري.

2159 مليون فرنك منهم رايحين للتعليم, و 1089 مليون تانيين رايحين للصحة. (خلي بالك إننا بنتكلم على كانتون واحد من ال26!!!)

تعليم	2159
صحة	1089
خدمات اجتماعية	477
أمن	411
معاشات	333
خدمات المعاقين	297
مواصلات وطرق	255
قضاء	113
خلق فرص عمل	90
ثقافة ورياضة وهوايات	78
مصاريف ادارية	71
متنوعات	669
مجموع بالمليون فرنك سويسري	6042

شعور الغضب ﺍﻟﺠﻤﻴﻞ

charafantah — Thu, 12 Jan 2012 15:27:36 +0000

احساس جميل انك قاعد بتحاول تشتغل و تقدر تسب الدين بدون أدني حرج عشان مفيش حد بيفهم عربي ﺣﻮﺍﻟﻴﻚ

حقوق “اخواتهم” الأقباط

charafantah — Mon, 09 Jan 2012 21:34:08 +0000

أنا ملاحظ الكلام كله اليومين دول من عينة:

اخواتنا الاقباط
المسلمين والمسيحيين شركاء في الوطن
مسلم ومسيحي إيد واحدة
المسلمين والمسيحيين سواء أمام القانون

طب بالنسبة لليهود, البهائيين, البوذيين, الشيعة, القرآنيين, الملحدين, الطبيعيين واللا دينيين, دول كخة؟ مش اخواتنا؟ولا شركاء فالوطن؟

في أصول الكلمات – عن البضان

charafantah — Sat, 19 Nov 2011 17:20:03 +0000

البوست ده كله اباحة, الكلام عن أصل كلمة بضان.

كمل قراءة على مسئوليتك

أعتقد إني مش الوحيد اللي احتار في أصل كلمة بضان وحاول يعرف إيه العلاقة لما نحب نوصف حاجة أو إنسان سخيف وثقيل الظل نقول عليه بضان؟ إيه علاقة البيض بالسخافة والقلش؟

البيض عادة بيجي من الفراخ وهو أكل محبوب جدا ومفيد وسهل ومفيهوش أي حاجة بايخة أو سخيفة.

لحد ماتوصلت لإكتشاف خطير, حيغير خريطة الأباحة في مصر.

في كلمة في اللغة الفرنسية اسمها bidon , تنطق بيدون الكلمة ليها كذا معنى على حسب الجملة, بس المعنى الشائع هو صعب وسخيف!!! أو كما جاء في الترجمة الانجليزية “Thats a load of bull!“

إذا فهي كلمة فرنسية تم تحريفها وتصادف ان التحريف يشابه كلمة عربية أخرى, زي مثلا تحريف كلمة ميزانين, أو قنطرة اللي كفر أو حتى اسماء البلاد والقرى في الريف

في أصول الكلام – قنطرة اللي كفر

charafantah — Sat, 19 Nov 2011 17:09:06 +0000

في مكان في القاهرة على النيل اسمه “قنطرة اللي كفر” أصل التسمية جه من أيام الحملة الفرنسية, حفروا 3 قناطر على النيل, الراجل اللي كان مهندس القنطرة دي كان اسمه “Cavarelli” وتم تسمية القنطرة على اسمه.

لما جم يحطوا يافطة بالعربي, كتبوا اسمه كده: كفرللي

جه واحد ذكي بعد كده, قال مفيش حاجة اسمها كفرللي, الراجل اللي بنى القنطرة دي كان خواجة, وأكيد كان كافر, يبقى المفروض تتسمى الذي كفر.

ومن ساعتها القنطرة اسمها قنطرة اللي كفر

Wisdom of the ancients

charafantah — Sat, 19 Nov 2011 16:41:58 +0000

الأحزاب في مصر في أوائل القرن العشرين

charafantah — Sun, 02 Oct 2011 13:14:26 +0000

مع إن الكلام ده مكتوب من ييجي 100 سنة, بس حاسس إني “شفت الفيلم ده قبل كده”

الأحزاب: في مصر أحزاب كثيرة, تقليدا لأحزابالبلاد الأروبيه, ولكنها في أروبة مبنية على اختلاف البرامج, فكل حزب له برنامج خاص, ينتسب اليه من اعتنق مذهبه كحرية التجارة وتأميم المناجم أما في مصر, فتكاد تكون اختلافات أفراد, بعض الناس يتصلون برجل, فيكونون حزبا, واخرون يتصلون باخر, فيكونون حزبا اخر.

والأحزاب في مصر قريبة العهد, بدأت في مصر في حوالي سنة 1906 وكانت في مصر ثلاثة: الحزب الوطني, حزب الإصلاح على المبادئ الدستورية وحزب الأمة.

….

….

اشتدت المنازعات بين هذه الأحزاب الثلاثة وبلغت حد السباب والمهاترة, ثم جاء الوفد فاكتسح هذه الأحزاب كلها, ولم يسمي نفسه حزبا, بل قال انه نائب عن الأمة كلها ولم يبق الا الحزب الوطني, ثم انقسم الوفد اقساما.

من كتاب “قاموس العادات والتقاليد والتعابير المصرية” للكاتب أحمد أمين.(1886-1954)

قال المقريزي

charafantah — Sun, 02 Oct 2011 12:49:48 +0000

الكلام اللي قاله المقريزي على المصريين من 600 سنة حاسس إنه بالضبط راكب على المصريين في القرن الواحد وعشرين.

من أخلاق أهل مصر الإعراض عن النظر في العواقب فلا تجدهم يدخرون عندهم زاد كما هي عادة غيرهم من سكان البلاد, بال يتناولون أغذية كل يوم من الأسواق بكرة وعشيا. وعدم الإمعان في حساب العواقب يستتبع الفرح والمرح. لأن الإنسان إذا لم يفكر في العواقب لم يحمل هما فيكون مجال النكت عنده فسيحا.