عمرو دياب مش أحسن مغني في مصر, وهو مش مطربي المفضل. مع ذلك هو من أكتر المغنيين اللي بحترمهم. مش عشان حاجة أكتر من إنه ذكي جدا وإلى حد كبير قوي محترم.

قلتلي ليه, أقولك يا سيدي:

• عمل أفلام, لقى نفسه ممثل فاشل بطل تمثيل

• the best marketing strategy

• عمرك شفته طالع ضيف في برنامج؟ نادر جدا

• عمرك شفته عامل حوار مع جورنال؟ نادر جدا

• الراجل فنان ومغني, بيركز في شغله يعمل الألبوم من دول, ينزل بوستر على كبري 6 أكتوبر تقوم الناس تتجنن عايزين الالبوم, يسرب أغنية ولا إتنين. هوب الالبوم ينزل يقوم مكسر الدنيا

• ينأى بنفسه عن التفاهات والإشاعات

عمرو دياب عمل إعلانات مية ل حياة, بعد ما بيبسي ادت الحملة بتاعتها ل تامر شعر الصدر

الإعلانين, مع إنه مش بينطق فيهم ولا كلمة, الا إني شايف إنهم رد قاتل على ادعاءات تامر شعر الصدر

بجد, chapeau

تمورة كان خايف إنه يقول رأيه في الانتخابات لحسن ال80 مليون يقلدوه!!! على أساس إنه قدوة وكده. الهربان من التجنيد ده.

البيبسي أحلى ولا المية؟ التمر حنة طبعا

وحياة أمى مانا سَيبك, كُلَها يوم وحَكون جايبك

Listen to the song Here

دى تحفة الفنان العالمى تامر شَعر الصِدر, الشهير بتامر حسنى إللى قرر أنه يتحفنا بيها….مش عارف بجد بعد كدة في إية تانى….مش ناقص غير أنة يسجل صوت شخيره وهو نايم و ينزله فى أغنية

وحياة أمك مانتا سايبها!!! دى أغنية يا واطى يا مُهزأ؟ طب وحياة أمى أنا, مانا سايبك على القرف إللى عمال

تحدفنابيه

مش ممكن يعنى البنى أدم (الشئ) دة بيهد أى حاجة ممكن تكون لسة فاضلة من أخلاق, قيم أو مبادئ, أسلوبة حقير,سوقى و مستفز وبيئة كمان!!! مش كفاية أن فى ناس كتير واخداه مثلهم الأعلى!!! يرضيكم يعنى الشئ دة يبقى المثل الأعلى لاخوك و أختك أو ولادك؟

أنا من خلف الكمبيوتر بتاعى, بطالب بنفى تامر حسنى إلى أى خرابة أو زريبة يعيش فيها بعيد عننا….كفاية تلوث بقى عندنا بلاوى تانية أهم منه

نجم الجيل