Charafantah's Cave

أول مرة سقت فيها على طريق سفر في اوروبا قلت الناس دي يا أما عبط, يا أما هبل. سايق في أمان الله وتلاقي يافطة طويلة عريضة قد الفيل أبوزلومة مكتوب عليها احترس, رادار بعد واحد كيلو. بعدها, احترس, رادار بعد 500 متر.

أنا زيي زي أي إنسان مصري طبيعي مفهمتش هما ليه قالوا على مكان الرادار, ماهو كده الناس حتعرف مكان الرادار وتهدي وبعد كده تجري براحتها.

بعدين بعد فترة من العيشة بره, فهمت السبب, فـعشان كده بطل العجب. السبب إن مفيش في اوروبا حاجة اسمها كمين.

الكمين حسب لسان العرب:

كَمَنَ كُمُوناً: اخْتَفى.

وكَمَن له يَكْمُن كُموناً وكَمِن : استَخْفى.

وكمنَ فلانٌ إِذا استخفى في مَكْمَنٍ لا يُفْطَنُ له.

وحسب مختار الصحاح

كَمَنَ اختفى وبابه دخل ومنه الكَمِينُ في الحرب

يعني نفهم من كده إن الحكومة في مصر عملالنا كمين, زي بتاع الحرب , تلاقي الظابط مرقدلك في الدُرة كده وإنت رايح شغلك عالدائري ونفسه ومنى عينه إنك تكسر السرعة عشان ياخدك مخالفة

سيبك من العقد النفسية اللي عند تلات تربع الظباط والفساد والرشاوي و سحب الرخص والكلام ده كله, احنا هنا في سؤال أهم بيطرح نفسه, هي ليه الحكومة عاملة كمين للشعب؟

أنا اكتشفت هنا حاجة غريبة جدا, أنا عارف إن أغلب الناس حتفتكرني ببالغ أو بأضحك عليها, بس أنا اكتشفت إن الشرطة والحكومة في دول تانية, مش بيعتبروهم أعداء! آه بجد, أنا عارف إن إنت لما ظابط بيوقفك في كمين أو لما تشوف مسئول حكومي بيتكلم, بتدخل في الdefense mode وتاخد حذرك وتتعامل مع العدو. بس تخيل إن الناس بره مش بتعمل كده؟

لما سألت على موضوع الرادار ده قالوا لي إن فكرة الرادار إنها تفكرك بالسرعة عشان إنت متجريش, حفاظا على حياتك وحياة اللي معاك في العربية والناس اللي سايقة معاك عالطريق, على عكس الفكرة الشائعة اللي بتقول إن الرادار معمول عشان ياخدك مخالفة.

أعتقد إن ده نفس السبب (بطريقة غير مباشرة) اللي بيخلي الناس هنا تدفع أكتر من عشرين جنيه تمن الجورنال مع إنه محطوط في الشارع وماعليهوش قفل.

هوه هو  نفس السبب اللي بيخلي الناس تدفع تذكرة الأتوبيس مع إن نادر جدا إن حد يسألك عليها, الناس عارفة مصلحتها وماحدش بيقول مجتش عليَّ أنا. عشان كده قلت, الدين مالوش دعوة بالأخلاق. وخلي بالك من الكماين والرادارات الجديدة عالدائري

قدام مصنع كادبوري عالناحيتين, قدام كليوباترا سيتي سنتر, قدام البريتيش سكول وقدام برج سما

أماكن الرادارات نشكر بيومي عليها

أكيد سمعت من حد من اصحابك أو قريت في بلوج أو في الأخبار أو حتى سمعت من البرادعي المعلومة دي:

مصر فيها تاني أكتر عدد من الناس على الفسبوك بعد أمريكا

بصراحة أنا استغربت قوي لما سمعت المعلومة دي, لإن مصر عدد الناس اللي بتدخل عالنت فيها مش كبير قوي, فـلو افترضنا مجازا إن كلهم عالفسبوك , ده برده مش حيبقى عدد مهول. أنا قلت يا إما أنا معلوماتي عن عدد مستخدمي الشبكة العنكبوتية في مصر غلط, يا إما الفسبوك مش عليه ناس كتير للدرجة دي.

المهم, قلت أما ابص اشوف الأرقام دي كام بالضبط… اكتشفت إن المعلومة دي زيها بالضبط زي معلومة إن الطفل المصري اذكى طفل في العالم

مصر أصلا مش طالعة من أكبر 10 دول على الفسبوك …. دي مش حاجة وحشة ولا حاجة حلوة على فكرة …دي مجرد  raw data

مصر ال23

في موقع تاني بيقول

1. USA : 102.6 million

2. Turkey : 16.9 million

3. Indonesia : 15.3 million

4. Italy : 13.5 million

5. Philippines : 8.8 million

6. Spain : 7.8 million

7. Argentina : 7.5 million

8. Mexico : 6.6 million

9. India : 5.6 million

10. Malaysia : 4.2 million

هو في مواقع كتير كل واحد منهم بيقول رقم, المهم إن كلهم متفقين إن امريكا فيها أكتر عدد وإن مصر مش من أكتر 10 دول على الفاسبوك

ممكن قبل ماننشر معلومة نبقى نرجع لحاجة اسمها المصدر؟خصوصا لو المعلومة فيها ارقام.

ومش معنى إن حد قال لك معلومة وقال فيها رقم وقال لك الاحصائيات بتقول يبقى كلامه صح, 87% من الاحصائيات ارقامها متفبركة

sources:

http://www.facebakers.com/countries-with-facebook/

http://www.checkfacebook.com/

http://gorumors.com/crunchies/number-of-facebook-users-by-country/

http://www.nickburcher.com/2008/07/facebook-user-numbers-by-country-and.html

http://radar.oreilly.com/2009/04/active-facebook-users-by-country-200904.html

I am Egyptian, my ancesters are the copts and Pharoahs and i am proud.
I am not proud to be classified as an Arab and i do not want my country to belong to that entity!

I am letting all this out now after a very long time suppressing it under my chest. On a side note, 3 algerians tried to rob me in Belgium. This is it Arab world, i don’t want you!

Only one month to renew the Emergency law again or replace it with the Anti Terrorism law, i highly doubt that it would be annuled.

Thanks to Egyptian Chronicles for pointing this out.

I am really amazed by the amount of Egyptian artifacts in European museums! it’s a lot!

Each museum like Louvre, Vatican Egyptian Museum, Altes Museum, British Museum have almost as many items as those in the Egyptian Museum in Cairo! There is also smaller museums with smaller collections! (e.g. Musee d’art e d’histoire in Geneva)

• I agree they are displayed properly and in a good way suitable to their historical value.

• I agree that we still have much more treasures and even more beautiful back in Egypt.

• I agree that this gives a good image about Egypt and encourages people to visit Egypt.

But,

• These pieces were taken from Egypt with no consent.

• There are master pieces that do not exist in Egypt!!!

• The idea of me (as an Egyptian) go to a European museum and paying a high amount of money for the ticket (compared to Egyptian income) to see and enjoy the artifacts that belongs to my ancestors and my country doesn’t seem so right to me.

I would be a happier man if we can get part of this stuff back to Egypt again.

الناس كلها عاملة زيطة اليومين دول على قائمة أكتر ١٠٠ شخصية عربية مؤثرة بتاعت أرابيان بيزنس، حاجة كويسة إنهم يعملو ليست زي دي، المهم إني لما قريتها لقيت:

 من ال ١٧ بني آدم إلي عاملينها ١١ مش عرب أصلا.ما علينا، بلاش نبقى عنصريين، ماهي كدة كدة المجلة بالإنجليزي.

مفيش أي مقياس رقمي مستعملينه عشان يطلعوالنتايج، يعني كله كدة بالهوببا، على حسب رأي المحرر واختياره
الشخصي

لما الليست يبقى فيها تامر حسني إسمه مكتوب في نفس الصفحة مع دكتور برادعي أو مجدي يعقوب أو فاروق الباز دي تبقى مهزلة!

المهزلة الكبرى بقى، إن إسمهم يجي في الترتيب بعد تامر!بجد مفيش  كومنت غير كلمة واحدة، أولها ألف واخرها ألف وفي النص الحرف إلي بعد الجيم ولو عرفتها حاتكسب معانا جايزة البرنامج.

الجميل فى الموضوع بقى إن في ناس مينفعش تحطهم تحت اسم البلد دي. مثلا داليا مجاهد رقم ٣، كاتبين إنها مصرية، مع إنها عاشت واتعلمت واشتغلت طول حياتها في أمريكا وبتشتغل مستشارة للرئيس الأمريكي بذات نفسيته، بلاش تماحيك يعني البنت أمريكية.أه أهلها ممكن يكونوا كانو مصريين، وهي يمكن يكون عندها باسبور مصري، بس ده مش معناه إنها تعرف الفرق بين بورتو سخنة وبورتو مارينا! مصر ماكانش لها أي فضل على البنت دي في إنها توصل لأي حاجة هي وصلتلها، مصر على عيني وعلى راسي وكل حاجة، بس إحنا مش محتاجين نتمحك في حد، إحنا عندنا ناس كتير كويسين وناجحين ومصريين ١٠٠%

ده حتى الموقع بتاع ويكيبيديا بيقول إنها أمريكية من أصول مصرية. البنت عندها ٣٦ سنة عاشت منهم ٣٢ في أمريكا! دي مش حاجة وحشة في حق البنت ولا حاجة، بالعكس الموضوع مالوش أي علاقة، أنا فخور إنها وصلت للمكانة دي وكل حاجة، بس لما نتكلم عليها، ننسب الفضل لأصحابه، هي أمريكية، وممكن نقول إنها أمريكية من أصول مصرية، إنما نقول مصرية كدة ونسكت؟نبقى بنتمحك.

زي ماحنا عمالين نعمل مع أحمد زويل كدة، يعني إحنا قعدنا نطفش في الراجل لحد ماسابهالنا مخضرة وهج على أمريكا، ولا عمرنا سمعنا عنه قبل كدة، لحد ماخد جايزة نوبل، ابتدت التماحيك، قالك العالم المصري، ابن مصر البار،ماهو الراجل عايش طول عمره في أمريكا،ومعاه باسبور أمريكاني، لو كانت مصر عاجباه أوي كان زمانه قاعد في معهد بحوث بياكل ساندويش فول.الراجل عاش ٣/٤ حياته هناك، وهو مصري امريكي ومحسوب في جايزة نوبل على مصر وعلى أمريكا، عامة أمريكا مش فارقه معها كتير عشان هما عندهم ٣٢٠ واحد واخدين نوبل، إحنا يادوبك عندنا ٤

وصلات ويكيبيديا أهيه
http://en.wikipedia.org/wiki/List_of_Nobel_laureates_by_country
http://en.wikipedia.org/wiki/Dalia_Mogahed
http://en.wikipedia.org/wiki/Ahmed_Zowail