After close observation:

Work productivity decreases relatively and proportionally with the time left to start your vacation.

متضحكش على نفسك بالكلام بتاع نسيجين الأمة والكلام بتاع الجرايد ده, المصريين (أنا وأنت وأهلنا وأصحابنا) شعب عنصري جدا.

لو جاوبت على أي سؤال من دول بآه تبقى عنصري, مع اختلاف الدرجات.

• فاكر إن السودانيين كلهم اسمهم عثمان وبيناموا طول النهار أو بيشتغلوا بوابين؟

• لما بتسمع عن واحد صعيدي بتفتكر إنه لسة طالع من النكتة بتاعته؟

• بتقول على المسيحيين كفاتسة؟

• لما تروح كوفي شوب والجرسون يقعد يتمحلس ويبتسملك ابتسامات صفراعشان تسيبله بقشيش بتتبسط عشان شايف إن ده مقامه؟

• فاكر إن كل الاسكندرانية بيقولوا أحيه وأيووه؟

• شايف إن العيال الخلايجة اللي معاك في الجامعة كلهم تيييت ومايستهلوش يتعلموا؟

• بتتريق على العيال الاندونيسيين اللي في مدينة نصر؟

• فكرتك عن اليهود إن كلهم أحفاد القردة والخنازير؟

• انطباعك عن حد بيتغير لما تعرف دينه؟

• انطباعك عن حد بيتغير لما تعرف جنسيته؟

• بتقول الهنود كلهم ريحتهم وحشة وبياكلوا أكل ريحته تقرف وبيركبوا الفيل؟ولما توصف حد بالغباء تقول عليه هندي؟

• فرحت لما قضاء المصري حكم باسقاط الجنسية عن المصريين المتجوزين اسرائيليات؟

• فرحت لما نقابة الممثلين منعت الممثلين العرب؟

• فرحت لما حنان ترك عملت كوفي شوب للمحجبات فقط؟

• حسيت إنه كويس لما مطعم عالنيل منع دخول المحجبات؟

• فكرتك عن الفيليبين إنها البلد اللي بتصدر خادمات؟

اللستة لسة طويلة أوي, ومتزعلش, إنت مصري وأكيد عندك شوية عنصرية مستخبية في حتة. حتى أنا في اسئلة من دول جاوبت عليها بآه.

ولكم تو ايجيبت

أكيد سمعت من حد من اصحابك أو قريت في بلوج أو في الأخبار أو حتى سمعت من البرادعي المعلومة دي:

مصر فيها تاني أكتر عدد من الناس على الفسبوك بعد أمريكا

بصراحة أنا استغربت قوي لما سمعت المعلومة دي, لإن مصر عدد الناس اللي بتدخل عالنت فيها مش كبير قوي, فـلو افترضنا مجازا إن كلهم عالفسبوك , ده برده مش حيبقى عدد مهول. أنا قلت يا إما أنا معلوماتي عن عدد مستخدمي الشبكة العنكبوتية في مصر غلط, يا إما الفسبوك مش عليه ناس كتير للدرجة دي.

المهم, قلت أما ابص اشوف الأرقام دي كام بالضبط… اكتشفت إن المعلومة دي زيها بالضبط زي معلومة إن الطفل المصري اذكى طفل في العالم

مصر أصلا مش طالعة من أكبر 10 دول على الفسبوك …. دي مش حاجة وحشة ولا حاجة حلوة على فكرة …دي مجرد  raw data

مصر ال23

في موقع تاني بيقول

1. USA : 102.6 million

2. Turkey : 16.9 million

3. Indonesia : 15.3 million

4. Italy : 13.5 million

5. Philippines : 8.8 million

6. Spain : 7.8 million

7. Argentina : 7.5 million

8. Mexico : 6.6 million

9. India : 5.6 million

10. Malaysia : 4.2 million

هو في مواقع كتير كل واحد منهم بيقول رقم, المهم إن كلهم متفقين إن امريكا فيها أكتر عدد وإن مصر مش من أكتر 10 دول على الفاسبوك

ممكن قبل ماننشر معلومة نبقى نرجع لحاجة اسمها المصدر؟خصوصا لو المعلومة فيها ارقام.

ومش معنى إن حد قال لك معلومة وقال فيها رقم وقال لك الاحصائيات بتقول يبقى كلامه صح, 87% من الاحصائيات ارقامها متفبركة

sources:

http://www.facebakers.com/countries-with-facebook/

http://www.checkfacebook.com/

http://gorumors.com/crunchies/number-of-facebook-users-by-country/

http://www.nickburcher.com/2008/07/facebook-user-numbers-by-country-and.html

http://radar.oreilly.com/2009/04/active-facebook-users-by-country-200904.html

جتكو ستين نيلة

يا بهايم

“أنا صباعي لما بيوجعني باقطعه.. ما بعالجوش, يا قطة”

الفنان عادل أدهم

موضوع إن كل حاجة أكتبها بالعربي في البلوج تطلع من الشمال لليمين بقى مستفز جدا….بس حالة الكسل و اللامبالاه أقوى من كدة.
مكسل أبص على الكود عشان أصلحه، لو حد يعرف الحل في الإنجاز كدة يبعته يكسب في ثواب